Hainewalde 2003
„Nitki našeho žiwjenja“
Serbske ewangelske towarstwo přeprošuje lětsa wot 14. do 16. apryla do Hainewalde na serbski ewangelski kónc tydźenja.
Hainewalde leži wosrjedź něhdyšeho europskeho centruma tkalcoweje industrije. Tak chcemy so tež my lětsa podać na wotkryće nitkow, z kotrychž stej kabat abo suknja našeho žiwjenja zdźěłanej.
Přeprošene su dźěći, młodostni, swójby, samostejacy, wuměnkarjo – haj, wšitcy, kiž so na serbsku zhromadnosć wjesela. Chcemy zhromadnje spěwać, pućować, kopańcu hrać, kemše swjećić a nitki našeho žiwjenja wotkryć.
Płaćizna za jednotliwca:
60 eurow za dorosćenych a
25 eurow za dźěći wot třoch lět.
Přizjewjenja su hač do 31. měrca móžne w serbskej superintendenturje w Hodźiju, tel. 035930 55047, mejlka:
Wjeselimy so na mnohe přizjewjenja!
Waš přihotowanski wuběrk
Lubina Malinkowa,
Katja Meyerowa,
Jadwiga Malinkowa